Clicky

Ok

En poursuivant votre navigation sur ce site, vous acceptez l'utilisation de cookies. Ces derniers assurent le bon fonctionnement de nos services. En savoir plus.

One pétite flôwe da Mimile Pètcheûr !

Pin it!

                                      Singuliér

th.jpgMu grand pére èstèt boulanjér. Il a u catôrze èfants : sèt’ valèts èt sèt’ bwèssales. Lès valèts ont passè  o for po aprinde lu mèstî èt c’èst l’dèrin, Aimé, k’a rpris lu boulanjerie dès parints o dzeû dol roue do Mont.

On ptit vwèzin, Lèyon, vlèt duv’nu boulanjér ossi. I vint trovu m’grand pére : « Dju vourè bin travayèr o for avou vos, Félicyin, po aprinde lu mèstî » - « Tu n’vou pus ‘nn’alèr a scole ? » - « Nèni ! hin ! dj’è sé d’dja dupus k’lès mêsses ! Dju n’ lès zî aprindrè bin ! »

Dupouy çu djoû la, il èstèt o for dol pikète do djoû jusk’a l’nwâre nut’…mês mu grand pére nu l’lèyèt nin alèr ôtoû dès pôses. Pokwè ? Pasku chake côp k’on d’dzèt a Lèyon d’alèr s’lavèr, i rèspondèt : « I n’gn’a k’lès niches ki s’lavant ! »

On djoû k’Lèyon fèt co s’tièsse du vèrt bok, èt n’vlèt nin s’runètchèr, mu grand pére lî dit : «  T’ès cand min.me on singuliér, sés’ Lèyon ! »

«  Ay…èt vos on plurièl, Félicyin ! »

 

 

Les commentaires sont fermés.